epub
 
падключыць
слоўнікі

Сяргей Ясенін

Я ўсё вырашыў і без вяртання...

Я ўсё вырашыў і без вяртання

Пакідаю я свой родны край.

Ўжо не будзе мяне на світанні

Прывітаць каля селішча гай.

 

Мая хатка зусім ссутуліцца,

Не сустрэне стары сабака.

На маскоўскіх заблытаных вуліцах

Згіну я — няўдалы пісака.

 

Палюбіў гэты горад з вязамі,

Але ссохся ён, спарахнеў.

Спіць у ім залатая Азія,

Спіць у ім купалоў дзіўны спеў.

 

А калі ноччу свеціць месяц,

Зоркі выйдуць услед яму,

Зноў мне голаву ў суме звесіць

І завулкам цягнуцца ў карчму.

 

Паўсюль жахі у гэтай бярлозе...

І ўсю ноч, аж да самага ранку

Мне сябры — прастытуткі ды злодзеі —

Ім я вершы чытаю са шклянкай.

 

Сэрца б'ецца часцей з крокам кожным,

І ўжо словы ляцяць недарэчы:

— Павярнуцца назад мне не можна,

Страціў твар свой даўно чалавечы.

 

Мая хатка зусім ссутуліцца,

Здох даўно той стары сабака.

На маскоўскіх заблытаных вуліцах

Недзе згінуў чарговы пісака...



Пераклад: Аляксей Матузко