epub
 
падключыць
слоўнікі

Сяргей Ясенін

Ліст за лістам гайдаецца, падае...

Ліст за лістам гайдаецца, падае,

І захмараны вецер аглух.

Хто мне сэрца парадуе?

Хто яго супакоіць, мой друг?

 

Пазіраю з цяжкімі павекамі

Я на месячную вышыню.

Вось і пеўні закукарэкалі

Ў вераснёвую цішыню.

 

І дасвецце. Сіняе, ранняе.

Толькі зоркі на золку ляцяць.

Загадаць бы якое жаданне,

Ды не ведаю, што загадаць.

 

Што шукаць пад жыццёвай парошаю.

Праклінаючы лёс свой і дом?

Я хацеў бы цяпер харошую

Бачыць дзеўчыну пад акном.

 

Каб з вачамі яна васільковымі

Не камусьці,

А так, як даўней,

І пачуццем, і новымі словамі

Сэрца толькі суцешыла мне.

 

Каб пад месяца срэбнымі струнамі

Лёс шчаслівы мяне ўратаваў,

Каб пад песняй я не бедаваў,

І з другімі, вясёлымі, юнымі

Больш мінулага не шкадаваў.



Пераклад: Сяргей Грахоўскі