БЕЛАРУСКАЯ ПАЛІЧКА

Сяргей Ясенін

Поўняй хіліўся вечар пагожы...

Поўняй хіліўся вечар пагожы,

Быў я калісьці юны, прыгожы.

 

Толькі ўтрымаць, паўтарыць немагчыма,

Што праляцела... здалёку... міма...

 

Сэрца астыла, і выцвілі вочы...

Сіняе шчасце! З поўняю ночы!

 

1925

---

Пераклад: Рыгор Барадулін
Тэкст падаецца паводле выдання: Ясенін, С. А. Выбранае : Вершы і паэмы / Прадм. Р.Бярозкіна; Пер. Р.Барадулін, А.Куляшоў. - Мн. : Маст.літ., 1976. - 207с.