Ведь наши песни, как наша жизнь,
С утра грустим, а к вечеру смеемся...
(словы з папулярнай песні)
То заплачуць, то конікам скачуць,
То загадваюць : - Шчэ налівай,
То смяюцца, як палец пакажаш –
Пустацветам цвіце родны край!
Грае радыё, ажно заходзіцца,
Хоць збірайся ды йдзі ў карагод!
Толькі песні, нібы думкі злодзея,
Як адна – пра суседскі гарод.
Не спявае, сумленне хто мае,
Бо шануе спрадвечны закон.
Для бяседы нагодаў хапае :
Трэці дзень, дзевяць дзён, сорак дзён...
Нашы песні даўно ўжо на пенсіі,
Ва ўспамінах дзіцячай пары –
Чарнабыллем зарослы калодзеж,
- «Падмаскоўныя вечары...»