Тамаш Падзява
Добрая навіна: новая катэхізмоўка для беларусаў-каталікоў
На правах машынапісу
З блаславеньня а. Аляксандра Надсана
Увага рэдакцыі часопіса “Божым шляхам”: Аўтар гэтых катэхэзаў сьв. п. а. д-р. Т. Падзява памёр год таму назад, 2 кастр. 1975 г (Гл.: Божым Шляхам, Нр. 3-4 (145-146), 1975, с. 8-10). За яго жыцьця было надрукавана ў нашым часапісе ўсяго толькі 15 катэхэзаў, а ўсіх ён апрацаваў 135. Сталася-б вялікая шкода, каб гэта арыгінальная, глыбока перадуманая праца, адзіная ў беларускай рэлігійнай літаратуры, засталася толькі ў рукапісу. Таму будзем прадоўжваць яе друк, не зьмяняючы парадку і стылю аўтара. (БШ №147-148/1976, с.9)
Увага рэдактара новага машынапісу: Усяго ў часопісе “Божым шляхам” было надрукавана 29 катэхэзаў (апошнія – ў БШ №151/1980, сс. 4-8). Але таксама і сёньня, праз больш як 35 год з моманту адыходу да вечнасьці сьв. памяці а. д-ра Тамаша Падзявы, у беларусаў-каталікоў ўсё яшчэ няма добрай катэхізмоўкі для моладзі і дарослых, напісанай зразумелай мовай, якую можна было б лёгка чытаць, паводле якой можна было б правяраць свае веды, якую можна было б карыстаць для самаадукацыі. Дзеля таго, каб даць сучаснаму каталіку добры дапаможнік для лепшага пазнаньня духоўных ведаў, мы вырашылі даць новае жыцьцё працы а.Тамаша і аднавіць памяць аб ім у народзе.
Над тэкстам працавалі:
Каардынатар працы: а. Сяргей Стасевіч.
Рэдактар тэксту: а. Алесь Аўдзяюк.
Кампутаровы набор тэксту: а. Алесь Аўдзяюк, а. Андрэй Крот.
Copyright © «Божым шляхам»
Copyright © Беларуская каталіцкая місія ў Велікабрытаніі.
/
