epub
 
Падключыць
слоўнікі

Тарас Шаўчэнка

"Не завідуй багатаму..."

 

* * *

Не завідуй багатаму:

Багаты не знае

Ні прыязні, ні любові —

Бо ён іх наймае.

Не завідуй магутнаму,

Бо той прымушае.

Не завідуй і слаўнаму:

Слаўны добра знае,

Што не яго людзі любяць —

Любяць тую славу,

Што ён цяжкімі слязамі

Выліў на забаву.

Маладыя ж як сыдуцца —

Дык люба ды ціха,

Як у раю. А паглядзіш —

Варушыцца ліха.

 

Не завідуй жа нікому,

А зірні наўкола;

Няма раю на ўсёй зямлі,

Як і ў небе гола.

 

4 кастрычніка 1845

Міргарад



Пераклад: Якуб Колас

Беларуская Палічка: http://knihi.com