epub
 
Падключыць
слоўнікі

Уладзімір Караткевіч

Эмігранты

Двух зуброў ад нетраў Белавежы

На Каўказ завезлі, аддалі.

Там лугі зялёныя, бязмежныя,

Там багата сонца і зямлі...

Хмары над лясамі залатымі,

Соль, вада, травіцы смачнай жмут,

Лёгка дыхаць, так як на радзіме,

Але ў кожнага ёсць родны кут.

Дзеці гэтага не разумеюць,

Нарадзіўшыся ў чужым бары,

І на тое, як яны дурэюць,

Непахвальна дзівяцца зубры.

На празрыстых, светла-сініх водах

Сняцца ім айчыны берагі,

Папараць, імшаныя калоды,

Сінія пад месяцам лугі,

Сінія пралескі на сугрэве,

Мухамор чырвоны ля азёр

І калоны манументаў-дрваў,

Што вярхамі дастаюць да зор




Беларуская Палічка: http://knihi.com