Уладзімір Караткевіч

Лісьце

Восень прайшла пералескамі,

Па няголеным ржышчы ніў,

Чырвонымі арабескамі

Лісьце лес ураніў.

Глянь на зямлю залатую,

Пяшчотную, сумную, чыстую,

Нехта па ёй вандруе,

Ў паветра ўзьнімаючы лісьце.

Струменьчыкам тонкім лісьце.

Медзь на азёрах сплывае,

Сум у небе імглістым...

Як песьня, з галін зьлятае

Лісьце, лісьце,

Залацістае лісьце,

Сто лісьцяў,

Дзесяць лісьцяў,

Ліст.




Крыніца: http://www.rv-blr.com/vershu/view/4902

Беларуская Палічка: http://knihi.com