epub
 
Падключыць
слоўнікі

Уладзімір Караткевіч

Мёртвае рэчышча

Мне сказалі: мяне ты шукаеш,

Зноў шукаеш — пасля ўсяго,—

Плынь рачная, калісьці жывая,

Што пазбылася ложа свайго.

Усё дарэмна: пратокі-песні

Абмялелі пад рэзкай травой.

Я не Лазар, я не ўваскрэсну,

Нават голас пачуўшы твой.

Ні твой заклік, калісьці любы,

Ні пяшчотны дотык рукі,

Ні ад смагі пасохлыя губы

Не абудзяць вялікай ракі.




Беларуская Палічка: http://knihi.com