epub
 
Падключыць
слоўнікі

Уладзімір Караткевіч

"Са стэпавымі вятрамі..."

Са стэпавымі вятрамі,

З сухою спявучай травой —

Пайшла. І сэрца начамі

Нясцерпна плача крывёй.

Па той, з душою як камень,

Па той, забытай, другой.

 

Няхай. Ўсё было: і вецер,

І скалы, і караблі,

І мы кахалі, як дзеці,

І мы сапраўды жылі

Пад сонцам гэтага свету,

Ў шалёным бэзавым свеце,

На самым краі зямлі.




Беларуская Палічка: http://knihi.com