epub
 
Падключыць
слоўнікі

Уладзімір Караткевіч

"Тут кожны сядаў бы, дзе схоча..."

Тут кожны сядаў бы, дзе схоча,

Адзін — ля камінка

(Каб вечна сябе спрабаваў паўтарыць,—

Нясталы і зменны агонь),

Другі — ля вакна,

што спрадвеку глядзіць

на здрадлівае мора.

А трэці, калі б не схацеў,

проста ў кут бы зашыўся з уздыхам палёгкі.

І ўсе б працавалі,

і ў гэтай прывольнай майстэрні

ніхто б не пісаў

і ніхто бы не ўбачыў

аднолькавых твораў.

 

[1980 г. ?]




Беларуская Палічка: http://knihi.com