epub
 
Падключыць
слоўнікі

Уладзімір Караткевіч

"Ўстану ранкам насустрач сонцу..."

Ўстану ранкам насустрач сонцу

І па цёплай зямлі пабрыду

Там, дзе яблыні мараць бясконца

У блакітным вясновым саду.

Пацягнуся, і сну аковы

Ападуць з пасвяжэўшых рук.

Моц напоўніць вялыя словы,

Сэрца ўзбудзіцца яры стук.

І пайду па расістых палетках

Так, каб з новым спаткацца днём,

І махнатая, алая кветка,

Кветка сонца заззяе агнём.

Ў новым дні ўсё прыгожым будзе,

Ён паўстане над новай зямлёй.

Паднімайцеся, добрыя людзі.

Крочце к сонцу поруч са мной.

 

[1955 г. ?]




Беларуская Палічка: http://knihi.com