epub
 
падключыць
слоўнікі

Уладзімір Караткевіч

"За чорнаю ружай ідзі ўсцяж дарог..."

За чорнаю ружай ідзі ўсцяж дарог,

Ідзі праз хлусню, цямноцце і дым,—

Каб неяк убачыць блакітны стог

І месяц зялёны ў тумане над ім...

 

Пад месяцам гэтым, між сініх стагоў

З бедным сэрцам маім у руцэ —

Цвіце імя чужой, дарагой,

Чорная ружа цвіце.

 

Я не верыў, не верыў у змрочнай журбе,

Што можна, пазбыўшыся мук,

Ўзяць цябе і да вуснаў прыціснуць цябе,

Не скрывавіўшы ігламі рук.

 

8 кастрычніка 1966 г. Рагачоў


08.10.1966

Тэкст падаецца паводле выдання: Караткевіч У. Збор твораў: У 8 т. Т. 1. Вершы, паэмы / [Аўт. прадм. В.Быкаў].- Мн.: Маст. літ., 1987.- 431 с., 4 л. іл.
Крыніца: скан