epub
 
падключыць
слоўнікі

Уладзімір Маякоўскі

Левы марш

(Матросам)

Разварачвайцеся ў маршы!

Слоўнай не месца кляўзе.

Ціха, прамоўцы!

Ваша

слова,

таварыш маўзер.

Даволі жыць законам, —

што даў нам Адама з Евай.

Клячу гісторыю загонім.

Левай!

Левай!

Левай!

 

Гэй, сінеблузыя!

Рэйце!

За акіяны!

Скрозь мілі!

Ці ў броненосцаў на рэйдзе

паступлены вострыя кілі?!

Хай,

шчэрачыся каронай,

хрыпне брытанскі леў з рэву.

Комуне не быць пакаронай.

Левай!

Левай!

Левай!

 

Там,

за гарамі гора,

сонечны край непачаты.

За голад,

За мору мора

крокі мільёнаў кратай!

Абкружаць нанятай хай бандай

і льюць сталёвай залевай, —

Расіі не быць пад Антантай.

Левай!

Левай!

Левай!

 

Зрок ці-ж памеркне арліны?

Ці ж нам у старое пяцца?

У света

на гарлавіне

мацуй пролетарыяў пальцы.

Грудзьмі наперад бравымі!

Сцягамі неба выклейвай!

Хто там ступае праваю?

Левай!

Левай!

Левай!



Пераклад: Рыгор Лынькоў