Валеры Брусаў

Ленін

Хто быў ён? — На зямлі Важаты,

Народнай долі правадыр,

Шлях чалавецтва, шлях пракляты

Змяніў — і вёў народы ў шыр.

 

Кастрычнік стаў нам новай эрай,

Як сонца, ўсплыў на небасхіл.

Заззяў ясней, чым ззялі ўперад

І Рэнесанс і дні Атыл.

 

Стары свет згінуў, знікла цемень, —

Свет новы — новы акіян.

Расце з віхур паўстанняў: Ленін

На рубяжы, як велікан.

 

Зямля! Зялёная планета!

Нікчэмны шар сярод планет!

Тваё імя дзівосным светам

Стагодняй славай сцеле след.

 

Памёр, ён быў агнём і вірам

Ў вяках; і справы яго ўсе,

Яго жыццё, яго ўсю шчырасць

Сусвету шчыра панясем.



Пераклад: Андрэй Александровіч

Беларуская Палічка: http://knihi.com