бо вясна настае тады
калі рыжыя жабы ў канавах
сядзяць і чакаюць кагосьці
і вада серабрыцца сонцам
шарыньнік янтарны палошча
і з пасушы зелень свіціцца
і жабы чакаюць
вялікай гадзіны сьпяваньня
калі завіруе ад шчасьця
вада і запеніць канавы
жабінымі песьнямі
а толькі далёка яшчэ
а толькі глыбока па горла
і рыжыя жабы ў канавах
залацістыя вочы лупяць
на сонейка залатое
чакаючы песьні