З рускай
Вось ідзе наш май вясёлы,
Свята светлае дзяцей,
У прасторы звоняць пчолы,
Мкнуцца з мёдам у вулей.
Звонка песню заспяваем,
Дружна стрэнем весялей
Першы дзень вясёлы мая,
Свята светлае дзяцей!
Зелянеюць сенажаці,
Сонца ясна зіхаціць,
Сталі птушкі шчабятаці,
З лесам, з сонцам гаманіць.
Звонка песню заспяваем і г. д.
Пад чырвоны сцяг народы
Выйсці з хат павінны ўсе,
Ўспомніць майскі дзень свабоды,
Свята згоды, гімн вясне.
Звонка песню заспяваем і г. д.
І бацькі, і нашы брацці,
Ўвесь працоўны люд пяе:
«Згіне цёмны свет пракляцця,
Праца ў волі зацвіце!»
Звонка песню заспяваем і г. д.
Так пад сцягам пад чырвоным
Пралетары ўсіх краёў
Спатыкаюць май зялёны,
Што на радасць к нам прыйшоў.
Звонка песню заспяваем,
Спольна стрэнем весялей
Першы дзень вясёлы мая,
Свята светлае дзяцей!
[1928]