Спраў у Танечкі багата.
Хто б управіцца паспеў?
Памагала ўранку брату -
Брат цукеркі ўранку еў.

Мыць хацела лыжкі ў місцы,
Ды да кухні не дайшла:
Адчыніла дзверы кісцы,
Мяўкаць кісцы памагла.

Малако піла і ела,
Заклапочана была:
Села, з мамай пасядзела,
Да бабулі падышла.

Перад сном сказала маме:
- Распраніце мяне самі,
Я ад стомы - не магу,
Я вам заўтра памагу!

Пераклад: Віталь Вольскі Беларуская Палічка: http://knihi.com