epub
 
падключыць
слоўнікі

Адам Міцкевіч

Да Нёмана

Дзе тыя воды, родны Нёман мой,

Што чэрпаў я ў дзіцячыя далоні,

А потым плыў па іх у край далёкі,

Каб думцы даць разгон, душы - спакой?

 

У люстра іх глядзелася вясной

Лаура, кветкамі спавіўшы скроні,

Я вобраз любай у тваім улонні

Не раз муціў гарачаю слязой.

 

Мой родны Нёман, дзе ўжо тыя хвалі?

Дзе мары, што ў нязведаныя далі

Мяне, гарэзу юнага, вялі?

 

Дзе слодыч летуценняў і надзей?

Сябры, Лаура... Дзе ж вы сёння, дзе?

Усё сплыло... А слёзы не сплылі.

 

 

Каментары

 

Надрукавана: Літаратура і мастацтва, 21.12.1973.

 


жнівень 1821

Пераклад: Хведар Жычка
Тэкст падаецца паводле выдання: невядомае
Крыніца: невядомая