Ці звер раве ў глушы лясной,
Ці песня чутна за гарой,
Ці гром грыміць па-над зямлёй -
Ў цішы заўжды
На кожны голас водгук свой
Народзіш ты.
У буру ловіш гул ракі,
Як гром калыша саснякі,
Як граюць пастухоў ражкі -
І шлеш у свет
Адказ; табе ж ніхто... Такі
І ты, паэт.
1831
Каментары
Пераклад друкаваўся:
Полымя. 1949, № 6.
Пушкін А. Выбр. тв. Мн., 1949.
Танк М. Зб. тв.: У 6 т. Т. 5. Мн., 1980.
На зорных шляхах: Пераклады М. Танка. Мн., 1991.
Пушкін А. С. Выбр. тв.: У 2 т. Т. 1. Мн., 1993.