epub
 
Падключыць
слоўнікі

Аляксей Пысін

«Лугоў зялёнае міжброўе...»

Міхасю Стральцову

 

Лугоў зялёнае міжброўе,

Вада - славянскай сінявы.

Мне кожны колас Прыдняпроўя

Жадае добрага здароўя

Паклонам русай галавы.

 

Вось бескапытная дарога

Звініць у бесканечнасць дня.

Нібы на маманта жывога,

Гляджу на рыжага каня.

 

Зямля - у воблаках і мяце -

Ляці увысь,

Глыбока сей!

Сасна паклікала, як маці,

Працяжна, глуха: «Аляксей...»

 

1966

 




Беларуская Палічка: http://knihi.com