epub
 
Падключыць
слоўнікі

Аляксей Пысін

«На жалезным кастры самалёта...»

На жалезным кастры самалёта

Ў сорак першым таварыш згарэў.

Дзень памінкаў - такая спякота:

Салаўі асыпаюцца з дрэў.

 

Неадчэплены дым з пераправы

Ён цягнуў да сваіх, да сваіх.

Спатыкнуўся прапелер кульгавы

У гушчары калоссяў сівых.

 

Сінява - парашутам раскрытым,

Сінява - асляпляе да слёз.

І хістаецца з полем і жытам

Строгі помнік на стропах бяроз.

 

1965

 




Беларуская Палічка: http://knihi.com