epub
 
падключыць
слоўнікі

Аляксей Русецкі

«Настане ранак, дзень міне...»

Настане ранак, дзень міне,

павісне ночы змрок навокал,

а ўсё здаецца, на мяне

з нябёс глядзіць шкляное вока.

 

І не схавацца ад яго

ні ў доме, ні ў яры, ні ў пушчы;

пры ім тайфун, пры ім агонь

зямное спапяліць і струшчыць.

 

Трывогай поўніцца душа

ад позірку ліхога лёсу,

і толькі можа суцяшаць

мяне агеньчык веры ў розум.

 

1982


1982

Тэкст падаецца паводле выдання: невядомае
Крыніца: невядомая