Сапуноў Аляксей Парфёнавіч (1851–1924) – выдатны гісторык, археолаг, краязнаўца. Даследаваў гісторыю, літаратуру, этнаграфію, археалогію, архітэктуру, фальклор Беларусі, пераважна Прыдзвінскага краю. А. Сапуноў з няўхільнай настойлівасцю развіваў думку пра неабходнасць мясцовага вывучэння Віцебскай губерні, мясцовай літаратурнай і навуковай творчасці і служыў гэтаму прынцыпу словам і справай.
“Памятники времен древних и новейших в Витебской губернии…” – выданне, аздобленае шматлікімі малюнкамі і чарцяжамі. У кнізе апісаны старажытныя храмы, храмы-помнікі, помнікі-капліцы, руіны замкаў і так званыя Барысавы камяні. Прыведзеныя даныя строга вывераны і аўтарытэтны.