(жарт)
Мыш не раўня Слану? Ну, ну...
Ніхто у заапарку
Не наступіў яму на мазалі,
хоць смельчакі былі,
Бо хобатам як шыбане...
З яго слановым каркам
Дубы з карэннем можна вырываць.
А Мыш і за Слана дужэйшая, відаць,—
Залезла ў складку на яго назе,
Пішчыць, нягодніца, і за пяту грызе,
Каб не стаяў, каб тупнуў на Ката,
Бо той к Слану па справах завітаў
І ледзь было не сцапаў дармаедку.
Але застаўся без наедку.
Слон азвярэў, жалезны плот зламаў.
Зірнеш — не Слон, а буралом, чума
Бушуе ў парку — паспрабуй суціш.
Вось што такое ў заапарку мыш...