Нех са пачы...1
«Які то ест красны час — есень»2.
Песень прагне кожны з нас, песень.
Дрэвы меддзю аб шляхі звоняць.
Пояць статак пастухі ў Гроне.
У Карпатах выпаў снег, сцюжа,
Хлопцы з пашы на начлег — гужам.
А наш гудба3 ў сярмячку плача,
Забаяўся за дачку бача4.
У карчме — бітком народ, гоман,
Звёў дзяўчынку хлоп-гунцвод з дому.
Стогнуць гуслі:
«Хто ж то быў? Кторы?»
Пасівелі ад журбы горы.
Нехта п’яны зняў кабат — скача:
«Грай, цыган! Не жміся, брат...»
«Нех са пачы...»
1 Калі ласка (славацк.).
2 Які гэта прыгожы час — восень (славацк.).
3 Музыка (славацк.).
4 Пастух, стары (славацк.).