epub
 
Падключыць
слоўнікі

Алесь Дудар

«Мятнуўся небасхіл перуном сінякрылым...»

Мятнуўся небасхіл перуном сінякрылым

і дуб, магутны дуб агнём пацалаваў...

І пушча пошчакам наўкол загаварыла,

і раскалолася у дуба галава...

І дуб упаў. І воч крылом сваім прыкрыла

і абнялася з ім зялёная трава...

І дрэвы плакалі. Не бачылі яны,

што усярэдзіне той дуб даўно ўжо згніў.

 

1925

 

 

Каментары

 

Паводле выд.: Дудар А. Вежа. Мінск, 1984.

 


1925

Тэкст падаецца паводле выдання: Расстраляная літаратура. Менск, Кнігазбор, 2008
Крыніца: http://bk.knihi.com

Беларуская Палічка: http://knihi.com