Скарга і крыўда… Смутак і боль,
Смутак і боль наўсьцяж.
Змоўкні ты, сэрца! І мы з табой
Выйдзем з нізін жыцьця.
Шлях крамяністы сярод трывог,
Шлях крамяністы скрозь.
Прадзед вятроў – буравей Стрыбог
Выветрыць сіньню скронь.
Сон залацісты сьлепіць скронь
Пеніцца сінь над ракой…
Месяц! Вясёлкамі затрызвонь
Для мяне і для васількоў.
Палкая радасьць і востры боль.
Цяжкі толькі пачын!
Здолеем мы самоту з журбой,
Здолеем перамагчы.
Шлях крамяністы сярод трывог
Скончым і пройдзем скрозь.
Прадзед вятроў-буравей Стрыбог
Выветрыць сіньню скронь.