epub
 
Падключыць
слоўнікі

Алесь Дудар

Зацьвітаюць вішні

Зацьвітаюць вішні, вішні зацьвітаюць,

Нібы белая зара.

Любіш ці ня любіш – я не запытаю –

Калі вочы так гараць.

 

Як у майскім садзе вішні зацьвіталі –

Быццам грудзі любай – белы цьвет…

Хай застынуць хмаркі, хай і месяц стане, -

Зьмеркнуць цені ў траве.

 

Зацьвітаюць вішні, вішні зацьвітаюць.

Дзень – шлях сонцу і цяплу!

Ні скажу ні слова я на разьвітанне –

Абнімі і пацалуй!


1927

Тэкст падаецца паводле выдання: Дудар А. Выбраныя творы. Мн., Лімарыус, 2017

Беларуская Палічка: http://knihi.com