epub
 
Падключыць
слоўнікі

Алесь Дудар

Завяжу я...

Завяжу я, завяжу я –

Завяжу я думкі ў вузел:

Песьню нашу – ня чужую,

Ня чужую чуў я ў лузе.

 

Распляту касу густую

Ды акутаюся ў кудры…

Маладую, агнявую

Я ніколі не забуду.

 

Грайце, струны, грайце, струны,

Грайце, струны, пра раздольле:

Парасту я ў полі руньню,

Парасту травою ў полі.

 

Думкі ў вузел завяжу я

Дый зямельку пацалую –

Не пайду ў зямлю чужую,

Бо сваю мацней люблю я.


1925

Тэкст падаецца паводле выдання: Дудар А. Сонечнымі сьцежкамі. Мн., БДВ, 1926

Беларуская Палічка: http://knihi.com