epub
падключыць
слоўнікі
Націскайце на
словы ў тэксце
«Над вадою, над ракою...»
Над вадою, над ракою
Чайка скігітала,—
Над маёю мілень[каю]
Матка шчабятала.
«Што, дачухна, нарабіла?
Ой, зарана звяла.
Ці цябе я не любіла,
Чы ж не гадавала?
Ах, нашто ж ты каралёчкі —
Губкі сашчаміла?
Ды схавала кар [ы] вочкі,
Рукі сашчапіла?»
1907-1920
Тэкст падаецца паводле выдання: Гарун А. Сэрцам пачуты звон: Паэзія, проза, драматургія, публіцыстыка / Уклад. прадм. і камент. У.Казберука; Маст. У.Басалыга. - Мн.: Маст. літ., 1991, 359 с. [5] л. іл. партр.: іл. - (Спадчына).
Крыніца: скан