Ветрэ, ветрэ вольны,
Стой, зрабі паслугу!
Буду спосаб меці,
Аддзякую, другу.
Зьлетай, легкі, борзда
У край, адкуль я родам,—
Бацьку, матку убачыш,
Мілую заходам:
Убачыш гэнам, ворле,
У краю тым—старонцэ:
Брат мой беларусін
Гібее без слонца.
Ім усім паклонам
Нізкім ты скланіся,
Хай жывуць, красуюць..
А потым вярніся.
Гэтта скажаш, браце,
Мне, што там убачыу
Буду спосаб меці,
Паглядзіш, аддзячу!