Адзінота — злая недарэчнасць,
Пачуцця і духу сумятня,
Стан трывожны крыўды скарацечнай,
У выключнасць генія гульня.
Адзінота — сэнсу супярэчнасць,
Непрызнання ўяўнага мана,
Прызямленне ў свеце дробных рэчаў
Там, дзе прагне ўзлёту вышыня.
Апануе, дык скажыце: годзе!
Калі й вас падчас яна пратне,
І зацятасць духу хутка пройдзе,
Прахалодай розум ахіне.
Чыстая душа не ўгразне ў бродзе,
Ёй свяціць алмазам і на дне!