Дзеямі і справамі сваімі
Абганяем мы вялікі час.
Будуць вечна жыць між нас жывымі
Дарагія рысы Ільіча!
Светлаю любоўю да Радзімы,
Сілай непахіснай у плячах
Услаўляем вобраз мы любімы —
Дарагія рысы Ільіча!
Нашымі рукамі будзе зменен
Твар зямны у наш грымотны век,
Бо заўсёды неўміручы Ленін
Разам з намі творыць і жыве!
Чалавек наш горды і шчаслівы,
Будучыня свеціцца ў вачах,
Бо нясе ў сабе ён беражліва
Дарагія рысы Ільіча!
1960