Свет пабудован так, што ў ім не цесна
Святлу і цемры, дабраце і злу,
Выццю шакала й салаўінай песні,
Сустрэч уцехам, палыну разлук.
Свет пабудован так, што ў ім сумесна
Суіснаваць і скакуну й аслу.
Адным ляцець высока; ходам крэсным
Паўзці другім, хто розумам аглух.
Хай так. Але ў маланках азарэння
Ёсць найвышэйшай праўды сэнс і змест,
Не тло карану, не біблейскі тэкст,
А стрыжань руху формул і натхнення,
Рэвалюцыйных бур і патрасенняў,
Вялікай эры найлюднейшы фэст!