Калі б ізноў пачаць усё спачатку
Было магчыма. Вер мне, я б пачаў
Не з тых дарог, дзе ўсё трывала й гладка,
А з тых, што ў бездань клічуць і адчай.
Хай клаў бы час на лоб маршчын пячатку,
А шрам на сэрцы круг пакут вянчаў,
Цябе б знайшоў я зноў, і не выпадкам,
На тым жа месцы, ў той жа самы час!
Хай хлус-няўдачнік ткаў бы небыліцы,
А пустаслоў гудзеў, як калаўрот,—
Вышэйшай праўды чыстая крыніца
Знайшла б з пячорных нетраў верны ход,
Каб праз хлусні чысцілішча прабіцца
Ва ўсёй красе да сонечных варот!
1972