Тваім агнём нязгасным свет асвечан,
Твой голас родзіць водгулле наўсцяж!
Усёю сілай думкі чалавечай,
Усёй гарачай сілай пачуцця,
Сваім сумленнем, сэрцам і душой
Мы, Партыя, з табой!
Цвярдзей наш горды поступ год ад году
Ясней наш зрок, спрытней работа рук!
Ты — плоць і кроў, душа і мозг народа,
Зара надзей, жыцця нястрымны рух!
Паклічаш ты на свята ці на бой —
Мы, Партыя, з табой!
Сэнс існавання, годнасць чалавека
Ты да вышынь нязнаных узняла!
Мы йдзем — і ў твар нам вее вецер веку
Струменнем чыстым сонца і цяпла.
У працы, ў шчасці, ў радасці жывой
Мы, Партыя, з табой!
Пакуль святло лье сонца з небасхілу,
Пакуль сінее неба над зямлёй,
Не разамкнуць ніякім чорным сілам
Табой з'яднаны, непахісны строй.
Нас асяняе сцяг высокі твой,—
Мы, Партыя, з табой!
Няма на свеце справы больш пачэснай,
Як выканаць прадбачанні твае!
Яны, як гук жывы ўрачыстай песні,
З якой у бой люд свету паўстае,
І голас наш грукоча пад зямлёй:
Мы, Партыя, з табой!
1964