Хотят ли русские войны?
Я. Еўтушэнка
Аб тым, ці хочуць рускія вайны,
Спытайце вы найперш у беларуса.
Адкажуць вам хатынскія званы
І на магілах братніх кветкі-ружы.
Адкажуць вам рэспублікі сыны,
Чацвёрты кожны, ў дом што не вярнуўся;
Адкажуць вам нямыя курганы,
Што ўвысь глядзяцца ў непазбыўнай
скрусе.
Скажу і я: хай маладому племю
Не ліць крыві ў стаптаную раллю,
Хай расцвітаюць ружы й хрызантэмы,
Гудзіцца ўсмак калматаму чмялю...
Не для ваеннай, а для мірнай тэмы
Паэт-пясняр прыходзіць на зямлю!