Зялёнае.
Светабудовы стрыжань.
Цыклоп з чырвонай зрэнкай — семафор.
І — стоп!
І што ні крок, то бліжай, бліжай
Кут салаўіны, дзьмухаўцы, чабор.
Тут цішыня.
Тут дзень ад сонца рыжы.
Тут разамлеў спякотаю сыр-бор.
Тут з-пад ялінкі вабіць вока рыжык.
Тут вечарком патрэсквае касцёр.
Тут неба — фіялетавым скляпеннем,
Тут водсветы далёкіх навальніц,
Тут вогнішчаў пачварыстыя цені,
Тут водар мацыёл і медуніц.
Зялёнае! Змяні душы тамленне
На цішыню і тонкі пах суніц!