epub
 
Падключыць
слоўнікі

Арцюр Рэмбо

Сон у лагчыне

У засені кустоў раўчук шчабеча,

шукаючы спакойнага жытла.

Над ім трымцяць уранку і пад вечар

струмені белапеннага святла.

 

Салдат-юнак, астрыжаны, без каскі,

у крапіве, калючай і сухой,

на дне лагчыны спіць, і, поўны ласкі,

ягоны твар ахутаны смугой.

 

З усмешкай хваравітай - воін, быццам

дзіця, што аніяк ад сну пазбыцца

не можа і калее на жарстве...

 

Не ўздрыгнуць ад лагоды нават вейкі

і сведчаць, што заснуў юнак навекі,

крывавыя дзве раны ў галаве.

 



Пераклад: Мікола Федзюковіч

Беларуская Палічка: http://knihi.com