а гукі фартэп’янныя-звычайныя
пад пальцамі прабегла гэта лета
вяртаючы нясуць “черты случайные”
узьнёлыя нібыта старасць Фета
падборкаю невыпадковых каліваў
гучаньня праз балкон ідзе гамонка
калі адчайна крыльле апускае
бязладная птушыная гармонія
усеабдымным-задуменным гукам
праменьне палахлівай гэткай раніцы
калі пяшчоту падбіраюць рукі
што музыкаю толькі быць зьбіраецца