epub
 
падключыць
слоўнікі

Барыс Жанчак

Адкуль

аднекуль трэба браць пачатак

глыбінь няўспомненых

здалёк

убеглага курыцца часу

спакою сіняга дымок

душа адчайна вызначае

лятунамі юначых сноў

калі яна была грачанкай

Элады вечнаю вясной

а потым вогнішчам купальля

узрушаная да зары

сваю каханую гукала

на бераг вольных азярын

а потым вой дружыны княжай

бароніць Бацькаўшчыну так

што на чырвоным лёдзе ляжа

у жах закованы крыжак

а там і ты...

анёл зь нябёсаў

цябе на трэці дзень прынёс

самой гісторыі дзівосы

паднялі яблыкам твой лёс


1990-1993?

Тэкст падаецца паводле выдання: Жанчак Б. Некалі потым: вершы / Барыс Жанчак. - Мінск : Мастацкая літаратура, 1993. - 174, [1] с.
Крыніца: электронны рукапіс