адзіноты начной надзейнасць
то не дня мітусьня...
што ты знаеш
шукаю людзей я
штохвіліны-штодня
у малых можа зноў далучуся
аблачынкі лічыць
у юнацтва вясёлым хаўрусе
бачыць радасьці далячынь
у паплечнікаў чыстай любові
ашчаджу да ўсяе
гэтай сіняй-зялёнай-ружовай
што ўсясьвет расьсяе
а чырвонага сонца старэньня
позьні промень хачу
каб пры ўсякім здаровым здарэньні
сьлёзы шчасьця ўваччу...
часам цяжка зь людзьмі
складана
адзінота ямчэй
але ж гэта недасканаласць
тваёй долі яшчэ