анфілада
гонару партал
дзе мне ведаць што гэта такое
скрынкаю жыву як таракан
з тараканам разам у пакоі
добра што пакінулі ў спакоі
ні ў аркан
ні шыхтам у паркан
на сьцяне шпалеры пад паркаль
гай (фотавыява!) над ракою
тут мае выгоды (часам, злосьць)
можа завітае нейкі госць
заядаем хлебнае катлетай
а яшчэ ж і тэлевізар ёсць
сядзьма на канапу ягамосць
пацікавімся раздайным сьветам