помню гэты лес
(і ягады салодкія
шурапацяць маліньнікам пад пальцамі)
помню ведаў быў што (волі асяродак)
некалі падпіліцца-падпаліцца
на вянкі-падрубы альбо ў печ паколем
тым жыла майго маленства весь
толькі дзе ж бы…
дзе ж бы я… (і ў горле комам!)
сьпілены-раскарчаваны ўвесь
ён спачатку на баку пагорка
пакідаў памалу свае пні
потым тая купка дрэў тырчэла горда
(напамінак пра маленства дні!)
а цяпер… цяпер і ўспомніць можна
(як паветра вернасьці схапіць)
што ж у нас… у нас калгас заможны
можна чорта ў горадзе купіць