усё
што ні ўсьвяткуе галава
за шыбінай
уверсе як унізе
усё ад перадмовы да заўваг
перачытаць ты здольны ў гэтай кнізе
і ўсё ёсьць
усё
што ні захопіць чысты зрок
прз утрапеньне-сорам
сьмех ці сьлёзы
сьвітальны вецер
ростані дарог
ды камяні
што мрояць пры дарозе
і ўсё жывое
усё
што абдымаеш ты душой
усё сьляпое да апошняй цалі
ці безаглядна блізка падыйшоў
ці мудрыя з глыбіняў абяцалі
і ўсё праўда