я не паэта…
Янка Купала.
я не паэт
хоць поўна намярзае
на шыбіне вакна дзівосных сноў
і думка лёгка скача (чым не заяц
між гурбамі непатаптаных слоў?)
я не паэт
дзе гэны варты варыць
у вобразах міжвольную рэальнасць
маёй душы (узрушанай?) да твару
залежная-пустая сузіральнасць
я не паэт
дзе здольны пакрысе
нанізвае зьдзіўленьні
цуд на цудзе
мне б
(хоць бы крайчык!)
той нябачны сэнс
аголенасць таго
што ёсць і будзе