катаржная праца жывапісца
злоўленага лесу кіслы пах
воддаль адыйсьці каб памыліцца
зноўку ткнецца пэндзаль як сьляпак
сьвет ствараць – няўдзячная работа
хоць ляпі
хоць мысьлі
хоць пішы
сілаў не вяртаюць кроплі поту
стома шырыць пустату душы
ды каго адгоніш
ані блізка
прывідны абсяг разца-пяра
плён няўдзячнай працы жывапісца
дойліда-паэта-разьбяра
вось назіраю за васпанам
а на ўзгорку вымкнуў гай-віхор
мусіць так ужо наканавана
гэтым рем кіраваць да зор