БЕЛАРУСКАЯ ПАЛІЧКА

Барыс Жанчак

"Кажуць воблакі нясуць радыяцыю..."

кажуць воблакі нясуць радыяцыю

але ж яны такія лёгкія-пульхныя

як і раней

кажуць суніцы бяруць радыяцыю

але ж яны такія чырвона-духмяныя

як і заўсёды

кажуць зямля мая

зрабілася небясьпечнаю для жыцьця

але я яе люблю гэтак жа як і любіў

а можа нават больш

1990-1993?

---

Тэкст падаецца паводле выдання: Жанчак Б. Некалі потым: вершы / Барыс Жанчак. - Мінск : Мастацкая літаратура, 1993. - 174, [1] с.
Крыніца: электронны рукапіс