(З марыйскага фальклёру)
Белабокая сарока,
не трашчы тут і не лётай –
мы занятыя работай.
Воўк бярвеньне кладзе,
мышка – мох знае дзе.
Шмат у нас пільных спраў:
заяц – печачку склаў,
крот – мукі намалоў,
дзяцел – дроў накалоў.
А руплівіца-вавёрка
аганёк знайшла за горкай.
Будзе лесьнічоўка-хата,
будзе з пернікам і гарбата.
Два цецерукі павінны
нам прынесьці кош маліны.
Прыляцяць – наладзім пір.
Ва ўсім лесе будзе мір!